قل صباح الخير

قل صباح الخير خلني بصبحك يا كمـا
روعة الخلاق لامن بهرتي كل شـوف.
أو مساء الخير ياليـل نصفـه مبهمـا
ونصفه الآخر لآلئ نجومك والطيـوف.
تدري إنـي الحظيـظ بواصلـك لنتمـا
كل نبضن في عروقي وغنتك الحروف.
ياعجايب لاشربتك أصيح إمـن الضمـا
لكن إني لاسكنتك تسيـدت الظـروف.
ياروايـات الغـرام وحكيـات السمـا
يابدايات الشروق ونهايات الخسـوف.
ياربيع النفس ياشـوق ياعـذب اللمـا
شف يميني في يمينك وكفي لك شغوف.
كل ضلعن في خفوقي وقف لك وإحتمى
وكل دمن في عروقي جرى يمك لهوف.
وكل سهمن من عيونك فديتـه لا رمـا
كنه اللي مستبيح المحاني بالسيـوف.
دامنـا عشـاق وأشواقنـا دوم إندمـا
أبشر بعزك وأنا لك كما الليل العصوف.
جعل عين الحاسدين إيتملكهـا العمـى
وجعل عيني ماتموتك ولاتبكيك خـوف